D’r Sommer es fott

Nu komme stikum on höhsch de Woche,
daföhle de Alde er Rheuma in de Knoche.

Im Hofjade op de Bänk kannste niemieh setze,
op de Rhingprommenad dehste jetz nit schwetze.

Op Inlinescaters de Jecke Lütt
sühste niemieh eso vill af hütt.

Am Rhing op de Trepp dat jonge Jemös
kritt owens nu fies kalde Fööß.

Vor’m Uerije kannste niet mieh stonn,
mem Jlöske Alt moßte noh drenne jonn,

All de Terasse kannste verjesse,
dinne halwe Hahn dehste nu drenne esse.

Em Schrank wöhd dr Sommer noch henge jedeut,
domet mr op Wenterklamotte sech freut.

Op de Kö, en de Arkade moßte jetz loofe,
öm flöck dech e lecker wärm Outfit zu koofe.

De Bööm ehr Blätter wehde jähl on rod,
op sin Pläät deut dä Pitter af jetz eine Hoot.

Piepmätz, die senge, make sech op de Socke,
vill send all fott noh Mallorca jetrocke.

Ech mak ki Jedöns on kinne Bohei,
awer dr Sommer es för dies Johr vörbei!

Ech bin nit bedröppelt, denn wat e Jlöck,
em nächste Johr kütt dä widder zeröck!

Monika Voss